Microsoft-тың басшысы Стив Баллмер Churchill Club өткізген шара кезінде венчурлік капиталист әрі LinkedIn-ді құрушы Рейд Хоффманмен әңгіме барысында Майкрасофттың ұялы байланыс саласындағы бәсекелестерімен арақатынасы туралы өз ойымен бөлісті. «Android-тың экожүйесі ауыздықсыз кеткен. Бағдарламалардың бір бірімен сәйкестігі төмен деңгейде, бұдан басқа қауіпті софтардан келер кесел көп», – дейді Баллмер.
Ол Amazon, Google, Samsung және бас компаниялар өздерінің Android нұсқалаларын жетілдіре бастауы, олардың бір-біріне орайласпайтындығы яғни операциялық жүйенің бөлшектенуін жақтырмайтынын жеткізді.
«Apple жүйесі керісінше өте қатты қадағаланады және өте қымбатқа сатылады, мысалы Ресейде iPhone 1000 доллар шамасында», – дейді ол. «Бағасы арзан әрі қатаң бақылауы жоқ болса сапалы зат жасалына ма? Біз алдыңғы екеуге қарағанда тәуір жол таптық», – деп атап өтті Баллмер. Оның айтуына қарағанда, Microsoft Windows Phone 8-ді шығарар алдында ұялы байланыс операторларымен көп хабарласқан, ал олар болса Android пен iPhone – бұлар үйлесімді нарық қалыптастыруға қауқары жетпейді деген. Тағы да бір ірі компания керек. «Көп операторлар кем дегенде үш вендормен жұмыс істегесі келеді. Қазір нарықта Samsung не Apple секілді өте қымбат смартфондар, немесе өте арзандары бар. Орта тұста ештеңе жоқ. Көп адамдар негізгі айтылғандардан өзін ерекшелеп тұратын тағы бір тұғырнаманың пайда болуына қуана қарсы алатынына біз сенімдіміз», – Майкрасофт басшысы.
Ол Microsoft қазіргі заманауи смартфондар нарығында жаңа ғана келгенін мойындап отыр. Ақпараттық технологиялар нарығын зерттеуші компания Gartner-дің мәліметіне сенсек, соңғы үш айда (үшінші тоқсан бойынша) Windows Phone нарықтың 2,4 пайызын ғана алып тұр. Баллмер осыншама аз үлестің кенет артып кетуі емес керсінше біртіндеп өсуін кұтеді. Microsoft басшысының айтуына қарағанда компанияның ойы таяуда ұялы ОЖ нарықтың 10 пайызын иемдену.
