Yotaphone 2: Ресейлік смарфтон бәсекелестікке шыдап бере ала ма?

0

Технологияның жаңалығын аңдып, зың қақпай тыңдап отыратын біз секілділер болмаса, қарапайым халық  Yotaphone деген смарфтонның бар екенінен хабарсыз. Неге? Жарнама әлсіз жүргізілді ме? Жарайды, атын естісе де бұл смартфон көрші Ресейге тиесілі екенін көбісі тағы біле бермейді. Қысқасы, сол “белгісіз” смарфтон, батыстағы және шығыстағы смарфтоншылармен бір бәсекелстікке түсіп көрмек.

YotaPhone-2

Yotaphone 1 әлдеқашан шығып қойған. Оны бізде естімей қалдық. Тек екінші нұсқасы назарға ұсынылғанда барып, “бар екен-ау” деп қарап отырмыз. Бұл смартфон алғаш шыққан кезде, ғаламторда Ресейліктердің өзі ұната қоймағанын көруге болады. Өйткені, орыстардың айтуынша, Ресей америкалықтар сынды немесе Қытай, Корея сынды смарфтон жасауға қауқарсыз. Өкпелеулерінің себебі мынада: қораптың сыртында “Made in China” деп жазылған, экраны – Оңтүстік Кореяда жасалынған, процессоры – америкалық, Yota Devices компаниясының өзі Кипрде тіркелген. Ресейлік еш нәрсе жоқ, Ресей азаматтары құрастырды демесеңіз. Бұл жайлы компания өкілдері “Біз барлығын өзіміз шығарып, “велосипед” шығарғаннан гөрі, сапалы дүниеледі пайдалануды жөн санадық” деп шыр-пыр болды.

Бұл смартфонның басқаларынан қызықтыратын бір фишкасы бар. Ол – қос экранды болғандығы. Артында біреу, алдында біреу. Осындай іс-қимылмен әлемдегі қос экранды алғашқы смартфон деген атақ та алып үлгерді.

yota-promo-3

04

Техникалық мінездемесі былай:

  • ОС: Android 4.4.3
  • Желілері: LTE, UMTS, GSM/EDGE
  • Процессор: 4 ядра, 2,2 ГГц, Qualcomm Snapdragon 800
  • Амалдық жад (оперативная память): 2 ГБ
  • Бекітілген жад (встроенная память): 32 ГБ
  • Камера: 8 Мп, автофокус, жарқылдақ (вспышка), фронталды камера 2,1 Мп
  • Түрлі-түсті дисплей: 5’’, 1080×1920, AMOLED, 442 ppi, Gorilla Glass 3
  • Қара-ақ дисплей: 4,7’’, 540х960, 16 градаций серого, 235 ppi, Gorilla Glass 3
  • Интерфейс: Wi-Fi 802.11 a/b/g/n/ac, microUSB 2.0, Bluetooth 4.0, NFC
  • Навигация: A-GPS, GLONASS
  • Аккумулятор: 2500 мА*ч, беспроводная зарядка Qi
  • Көлемі: 144,9х69,4х8,95 мм, вес 145 г
  • Бағасы: 110 000 тг

Yotaphone ерекшелігі қос экранында екенін айтып өттік. Екі камерасы бар, бірі басты камерасы, бірі селфиге арналған. Алайда бұл телефонда сіз артқы экранды пайдалана отырып, басты камерасымен сапалы селфи түсіре аласыз. Алайда осындай ерекшеліктеріне қарамастан ескерте кететін бір жайт: Yotaphone 2 смартфонының сыртқы келбеті де, техникалық мінездемесі де танымал Google Nexus 5-ке қатты ұқсайды. Алайда Yotaphone Қазақстанда 110 000 теңгеден сатылып жатса, Google Nexus-ті 70 мың – 80 мың теңге аралығында сатып алуға болады.

Бұл смартфонның әзірше нарықты жарып тұрғаны шамалы. Көбісі оның қымбаттау бағасын көріп, шошып жататыны бар. “Үйреніскен жау атыспаққа жақсы” деп, баяғы айфонымыз бен самсунгымызды ұстай берейік дейтін болар. Патша көңіліңіз білсін!!!

You might also like More from author